Transcription
1
Reçue à Grenoble, le 20 mars 1573. répondue le 21 mars 1573.
2
Monsieur, le present pourteur sen va par devers vous pour vous faire entendre
3
comme, suivant la commission que le roy a donné à Bernardin Murat de luy
4
fournir de pouldres en son arcenat de ceste ville, il a faict chevaulchée par
5
pays pour trouver de salpestres, et en avoit faict quelque provision en
6
votre gouvernement et mesmes à Valance où, à ce quil ma dict, cela
7
luy est retenu ; qui me faict laccompaigner de la presente pour vous supplier
8
que suivant ladite commission quil a de sa majesté, il vous plaise commander que
9
ladite provision de salpestres luy soit deslivrée sans difficulté, attendu que
10
cest pour le service de sa majesté. Cedit pourteur porte ledict du roy faict
11
pour ce regard pour vous faire veoir, qui me gardera vous faire cestecy
12
plus longue que de mes humbles recommandations que je presente en cest
13
endroit à votre bonne grace, suppliant le Createur qui vous doint,
14
Monsieur, en tres bonne sancté, longue et heureuse vye. De Lyon, le
15
XVIIIme mars 1573
16
Votre plus afeccionné à vous faire servise.
17
Mandelot